SKANDAL/ Deputeti i LDK-së, Armend Zemaj grushton qytetarin

Deputeti i Lidhjes Demokratike të Kosovës, Armend Zemaj, është përfshirë në një incident fizik me një qytetar të premten. Policia e Kosovës ka thënë se palët e përfshira në incident po intervistohen. 

Rasti ka ndodhur gjatë një interviste me gazetarin Astrit Gashi, i cili ka bërë të ditur se për rastin është lajmëruar edhe Policia e Kosovës, që ka marrë pamjet e xhiruara nga kamera.

Policia ka konfirmuar se palët e përfshira në incident po intervistohen.

“Sot rreth orës 15:00 është pranuar informata për një konflikt fizik në sheshin ‘Ibrahim Rugova’ në Prishtinë. Lidhur me incidentin palët e përfshira janë duke u intervistuar në polici. Për detaje shtesë do t’ju njoftojmë me kohë”, thuhet në njoftim.

Zemaj ka qenë edhe ministër i Shëndetësisë në Qeverinë Hoti. Ndërkaq si deputet ka siguruar postin në pesë mandate. 

Rruga Press