“Shtëpitë po dridheshin”, NASA nxjerr detaje mbi meteorin e rënë në Tokë: Energji sa 8 tonë tritol

Një copë shkëmbi i zjarrtë hapësinor është zbuluar disa ditë pasi një top zjarri mijëra kilogramësh ndriçoi një qytet të vogël në Teksas. Shoqata Amerikane e Meteorëve konfirmoi gjetjet e fundit në shtetin Lone Star dhe tha se dy fragmente të tjera u gjetën në Itali dhe Francë një ditë më parë.

Informacioni paraprak bëri që ekspertët e NASA-s të besojnë se “meteoroidi”, i cili bëhet një meteor kur digjet në atmosferën e Tokës dhe një meteorit kur godet tokën, ndriçoi qiellin e Teksasit të mërkurën në mbrëmje.

Zyrtarët qeveritarë besojnë se shkëmbi masiv hapësinor ishte dy metra para se të ndahej në copa rreth 21 milje mbi Tokë dhe të përplasej në disa shtete, por edhe zona të tjera në glob, ende të panjohura. Sipas NASA Meteor Watch, ai po lëvizte me energjinë e tetë tonëve tritol.

NASA paralajmëroi vendasit që të mos prekin kurrë pjesë të meteorëve dhe të njoftojnë policinë nëse gjendet ndonjë gjë e dyshimtë. Banorët raportuan për një zhurmë të fortë dhe thanë se shtëpitë e tyre po dridheshin, duke shkaktuar panik në qytet.

Origjina e objektit misterioz mbetet e panjohur, megjithatë, meteoritët në përgjithësi nuk janë një kërcënim për publikun, tha NASA të enjten.

Rruga Press