Shtëpia pa tualet shitet për shumën rekord të 2 milionë dollarëve në Zelandën e Re
Një pronë në Zelandën e Re që nuk ka tualet dhe është në gjendje të keqe është shitur për një shumë prej 2 milionë dollarëve.
Shtëpia njëkatëshe e vitit 1920 në Ariki Street, në lagjen Gray Lynn, Auckland, ka “nevojë për rinovim urgjent”, thotë një reklamë e agjencisë të pasurive të patundshme.
Pavarësisht nga mungesa e pajisjeve larëse dhe nevoja për investime të mëdha, ajo u shit të enjten në mëngjes pasi ofertat u hapën me 1.75 milionë dollarë, sipas Stuff.
Fotografitë e shtëpisë me tre dhoma gjumi tregojnë një kuzhinë të vjetëruar, të cilës i është grisur dyshemeja dhe një kopsht që ka nevojë për peizazh.
Këshilli i qytetit vendos vlerën kapitale të shtëpisë njëkatëshe në 1.65 milionë dollarë dhe thotë se të paktën 200.000 dollarë janë të nevojshëm për të riparuar pronën e “kanavacës së zbrazët”.
Disa analistë kanë thënë se suksesi i Zelandës së Re në luftimin e COVID-19 është një faktor në rritjen e çmimeve të shtëpive.
Kur goditi për herë të parë pandemia, shumica e ekspertëve parashikuan që çmimet e shtëpive do të bien. Në vend të kësaj, çmimet ishin rritur në shkurt me më shumë se 19 për qind gjatë 12 muajve të mëparshëm, duke ia pamundësuar shumë njerëzve që dëshironin të blinin shtëpinë e tyre të parë.
Qeveria ka prezantuar një numër iniciativash që tha se do të adresonin çështjen.