Shqipëria zhvillon seancën e fundit para nisjes në Angli, mungon vetëm Broja (Video)

Kombëtarja shqiptare ka zhvilluar ditën e sotme seancën e fundit para nisjes për në Londër, ku ditën e shtunë do të zhvillojë ndeshjen e radhës në eliminatoret e Botërorit “Katar 2022”. Ekipi ka zhvilluar një seancë të fundit në kompleksin Tropikal në Durrës, ku kanë marrë pjesë të gjithë lojtarët.

Për më shumë se 60 minuta, trajneri Reja ka drejtuar seancën me kuqezinjtë që kanë zhvilluar ushtrime fizike dhe taktike. Atmosfera në ekip është shumë e mirë dhe përqendrimi në stërvitje ka qenë shumë i lartë në prag të dy këtyre dy sfidave të fundit.

Siç dihet, vetëm Armando Broja mungoi në këtë grumbullim në Tropikal dhe me shumë mundësi, sulmuesi do të bashkohet në Londër me skuadrën, gjithmonë nëse lojtari ka lënë pas problemet fizike që ka shfaqur te Southampton.

Të premten në mëngjes, Kombëtarja do të niset drejt Londrës teksa pasdite është parashikuar edhe seanca zyrtare stërvitore, që do të zhvillohet me orën lokale të Londrës.

Rruga Press