Shpërthimi i COVID-19 në Evropë, “vetë Gjermania është epiqendër”

Gjermania ka hyrë në një “gjendje të jashtëzakonshme mbarëkombëtare” për shkak të rritjes së infeksioneve të koronavirusit, tha të premten kreu i agjencisë së kontrollit të sëmundjeve të vendit.

Lothar Wieler, kreu i Institutit Robert Koch, tha se kujdesi i rregullt mjekësor nuk mund të garantohet më në disa pjesë të vendit, sepse spitalet dhe repartet e kujdesit intensiv janë të tejmbushura.

Forcat ajrore gjermane konfirmuan një raport nga e përditshmja Bild se po përgatitej të ndihmonte transferimin e pacientëve në klinika me shtretër të lirë.

“E gjithë Gjermania është një epiqendër,” u tha Wieler gazetarëve në Berlin. “Kjo është një gjendje e jashtëzakonshme mbarëkombëtare. Duhet të tërheqim frenën e urgjencës.”

Ai bëri thirrje për masa shtesë urgjente për të trajtuar rritjen e rasteve me COVID-19, të cilat arritën në 50,000 për të tretën ditë radhazi. Instituti Robert Koch raportoi gjithashtu 201 vdekje të tjera, duke e çuar numrin në 98,739 që nga fillimi i shpërthimit, raporton AP.

Ministri aktual i Shëndetësisë i Gjermanisë, Jens Spahn, bëri thirrje të premten për një “përpjekje të përbashkët kombëtare” për t’iu përgjigjur numrit në rritje të rasteve.

Rruga Press