SHKRIMI I CNN: A do të shënojë Omicron fundin e pandemisë?

Planeti pati frikë për më të keqen kur një variant i ri shqetësues u shfaq nga Afrika e Jugut duke regjistruar edhe një herë një ritëm të lartë infektimesh dhe të vdekurish nga pandemia e koronavirusit. Megjithatë, dy muaj më vonë, me “Omicron” që tani dominon pjesën më të madhe të botës ka ditur që të përcjellë një mesazh.

Fakti që Omicron është më i butë, por edhe mundësia e shtuar që të gjithë të infektohen përfundimisht, ka luajtur një rol në qetësimin e situatës. Megjithatë, sipas CNN, disa anëtarë të komunitetit shkencor janë mesatarisht optimistë se ky mutacion i fundit mund të sinjalizojë gjithashtu “aktin e fundit” të pandemisë, duke i ofruar pjesës më të madhe të botës “imunitet”. Që tani koronavirusi do të jetë i krahasueshëm me sëmundjet sezonale si ftohja e zakonshme ose gripi.
Covid-19 evoloi në një mënyrë të paparashikueshme dhe varianti Delta mund të ishte shumë më i ashpër. Por Omicron depërton lehtësisht në popullatë pa shkaktuar të njëjtin numër sëmundjesh, apo fatalitetesh si më parë.

“Rregullat e lojës kanë ndryshuar”

Pyetja me të cilën do të përballen shkencëtarët dhe e gjithë shoqëria në vitin 2022 është se kur Covid-19 do të kalonte në një fazë endemike. Një sëmundje endemike është vazhdimisht e pranishme në një komunitet, por nuk prek një numër jashtëzakonisht të lartë njerëzish dhe nuk e ndikon në shoqëri. Siç ndodh zakonisht me një pandemi.

Ekspertët nuk presin që Covid të zhduket plotësisht nga jeta jonë. Në vend të kësaj, pandemia do të arrijë në një pikë që do të krahasohet me sëmundjet e tjera. Për më tepër që rreziku për t’u shtruar në spital për shkak të variantit Omicron zvogëlohet me një të tretën në krahasim me Delta.

“Ka katër koronavirusë të tjerë që janë bërë endemikë,“-tha David Hayman. Ndërsa përmend ‘gripin rus’ në fund të shekullit të 19-të dhe atë spanjollin në vitin 1918, me të cilin tanimë biem në kontakt çdo vit.

Mutacioni i radhës

“Është shumë herët të besohet se “Omicron” shënon fundin e pandemisë,”- tha të hënën këshilltari shkencor i Shtëpisë së Bardhë, Dr. Anthony Fauci.

“Ne shpresojmë dhe e urojmë, por për momentin nuk kemi asnjë garanci se do të ndodhë”.

“Gara” drejt endemisë

Nga pikëpamja epidemiologjike, Omicron ka krijuar terren për optimizëm, por shumë varet nga mënyra se si virusi do të evoluojë tani e tutje. Prandaj, shumë vende kanë filluar të sillen sikur koronavirusi është tashmë endemik. Anglia i “rezistoi” kufizimeve të reja pavarësisht shifrave rekord në javët e fundit. Megjithatë ka edhe shumë ekspertë vazhdojnë të inkurajojnë zbatimin e kufizimeve për të reduktuar shpërndarjen, të paktën për sa kohë që vala Omicron është në zhvillim e sipër. Megjithatë, Ëillia duket se qytetarët po distancohen gjithnjë e më shumë nga kjo pikëpamje. Por ne kemi qenë në dijeni të pasojave që nga shkurti i vitit 2020, por ajo që nuk dinim dhe ende nuk dimë është si do të përfundojë e gjithë kjo./CNN/

Rruga Press