Shkëlzen Berisha del nga SPAK: U mora në pyetje për Gërdecin

January 26, 2023 user 1

Djali i ish-kryeministrit Sali Berisha, ka dalë nga ambientet e SPAK-ut pas më shumë se një ore i marrë në pyetje për ngjarjen e Gërdecit.

Ai u shpreh se ka qenë në cilësinë e një personi që ka dijeni për ngjarjen.

Shkëlzen Berisha u shpreh i habitur për faktin që thirret nga Prokuroria e Posaçme, pasi ai nuk ka dijeni dhe ato që çfarë ka pasur për të thënë i ka bërë publike.

Lexo më shumë Shqipëria i jep hua Italisë/ Alokohet fondi prej 289 mln lekësh për armatime dhe transport. Po Shqipëria kujt ja mori borxh për të dhënë borxh?

“Jam thirrur në cilësinë e një personi që ka dijeni për ngjarjen e Gërdecit. Unë s’kam lidhje me këtë ngjarje, kam përsëritur ato që thënë publikisht.

Më bën përshtypje fakti se e njëjta prokurori para 15 vitesh ka deklaruar publikisht se nuk e ka parë të arsyeshme thirrjen time. Sot pas 15 vitesh mendojnë se mund të kenë dijeni. Shpjegimi është se nuk kam asnjë lidhje me këtë.

I thashë prokurorëve që nuk kam asnjë lidhje me këtë. Mendoj që pa diskutim prokuroria duhet të thotë se e kujt është kaligrafia. Unë ia thashë pa diskutim se duhet ta gjeni se kujt i përket nëse nuk është falsifikim”, deklaroi Shkëlzen Berisha.

Lexo më shumë Vuçiqi do të formojë një lëvizje politike të stilit të Putinit si kundërpërgjigje ndaj protestave, zotohet për marrëdhënie vëllazërore me Kinën e Rusinë

Rruga Press