Shkarkohet nga detyra efektivi hero i RENEA-s, Xeni: Turp, historia nuk fshihet
TIRANË– Efektivi i repartit RENEA, i njohur si Xen Alushi është shkarkuar nga detyra. Xen ‘heroi’ i njohur për shpëtimin e një familje në Durrës gjatë periudhës së tërmetit të 26 nëntorit nuk është më pjesë e repartit të cilit i shpërbeu për 30 vite me radhë. Burime për Dosja.al mësojnë se ai është shkarkuar një muaj më parë nga reparti, nga Ardi Veliu, ish-drejtori i policisë së shtetit.
Teksa ka kujtuar 30-vjetorin e krijimit të repartit të RENEA-s, ai ka ndarë dhe të gjitha vështirësitë që kalojnë ish-kolegët e tij. Alushi kritikon komandatët e reparteve që sipas tij shohin të gjithë djemtë e RENEA-s si pronë duke mos i trajtuar me respekt. Ndër të tjera, ai thotë se në 30-vjetorin e krijimit të RENEA-s janë thirrur në ceremoni vetëm ata që dinë ‘të kërcejnë’.
‘Drejtuesit aktual te cilet njifen si (15 gjirot rreth fushes) duket qe e paskan privatizuar kete repart dhe ne kete dite shume te rendesishme te 30 vjetorit te krijimit te RENEA-s therrasin ne “dasem” vetem ata qe dine te kercejne.Publikisht u them se duhet tju vij turp kur mburreni me gjakun e herojve te RENEA-s dhe se historia mund te keqinterpretohet por kurre,te fshihet.’– shkruan ndër të tjera ish efektivi i RENEA-s.
POSTIMI I PLOTË:
30 Vjet nga krijimi i repartit special RENEA. Askush me mire se ata djem te atij Reparti nuk e di se cfare do te thote 30 vite force speciale,30 vite sakrifice ne te gjitha aspektet njerezore dhe profesionale.Nuk mjaftojne as 300 vite te flasesh per heroizmat dhe sakrificen e atyre djemve te atij Reparti por duhen 500 vite te flasesh per ligesite dhe padrejtesite qe u jane bere atyre djemve duke i shfrytezuar maksimalisht ne menyre shtazore pa u dhene asgje ne kembim,pervec nje page qesharake qe gjysmen e lene duke u paraqitur ne detyre orar pa orar.Dhe persekutimi vazhdon….Do te theksoja qe ai repart eshte mbajtur nga energjia dhe vullneti i cdo pjestari(trupe speciale)por eshte shkelur me kembe djersa dhe gjaku i tyre nga drejtues te atij reparti (te pamerituar ne ate post) te cilin shpeshhere e kane perdorur per katapulte ne detyra te tjera.Komandante reparti qe te shohin si “prone te tyre” ku dhe ne rastin e kesaj feste nuk e marrin mundimin qe djem qe kane sherbyer me dekada ne ate Repart dhe me kontribut “shtazor” ne ate repart nuk marrin as ftese per kete feste ku kane gjithe jeten e tyre me te mirat dhe te keqijat e kesaj jete.Drejtuesit aktual te cilet njifen si (15 gjirot rreth fushes) duket qe e paskan privatizuar kete repart dhe ne kete dite shume te rendesishme te 30 vjetorit te krijimit te RENEA-s therrasin ne “dasem” vetem ata qe dine te kercejne.Publikisht u them se duhet tju vij turp kur mburreni me gjakun e herojve te RENEA-s dhe se historia mund te keqinterpretohet por kurre,te fshihet.Lavdi deshmoreve te rene ne krye te detyres,Respekt herojve te gjalle (trupe operacionale)Neveri drejtuesve te atij Reparti Elite. Shqiperia e Shqipetareve
Xen Alushi u bë pjesë e një operacioni shpëtimi në një familje në Durrës në periudhën e tërmetit të 26 nëntorit. Ai i dedikoi një status të birit, Semit, duke i kërkuar ndjesë për mungesën në familje gjatë lëkundjeve të tërmetit.
Rruga Press