Shitja e armëve/ BE vendos sanksione ndaj 8 personave dhe katër firmave ruse

BE-ja është gati të sanksionojë tetë persona dhe katër subjekte të lidhura me kontraktorin ushtarak privat rus Wagner, sipas draft dokumenteve të parë nga POLITICO.

Grupi i fshehtë mercenar tërhoqi për herë të parë vëmendjen ndërkombëtare në vitin 2014 kur mbështeti separatistët pro-rusë në Ukrainën lindore. Që atëherë, ajo ka qenë e përfshirë në zonat e konfliktit, duke përfshirë në Siri, Sudan, Mozambik dhe Republikën e Afrikës Qendrore (CAR).

Zyrtarët perëndimorë e konsiderojnë grupin si të përfshirë me aparatin rus të sigurisë, megjithëse Moska gjithmonë ka mohuar çdo lidhje me të.

Ky veprim vjen në mes të tensionit të lartë midis Moskës dhe Perëndimit pasi Rusia ka zhvendosur mijëra trupa pranë kufirit me Ukrainën, sipas zyrtarëve perëndimorë.

Ministrat e jashtëm të BE muajin e kaluar udhëzuan zyrtarët të përgatisin sanksione kundër Wagner. Dokumentet tregojnë se tashmë gjithçka është gati. Ministrat e Jashtëm pritet të marrin dritën jeshile për masat, të cilat përfshijnë ndalimin e udhëtimit dhe ngrirjen e pasurive, në një takim të hënën.

Grupi do të sanksionohet për aktivitetet e tij në Ukrainë, Libi dhe Siri, si dhe për abuzime të të drejtave të njeriut, sipas gati 40 faqeve të draft dokumenteve.

Diplomatët e BE-së thonë se presin një reagim nga Moska ndaj sanksioneve, por ai mund të jetë mjaft i butë. Ndërsa Kremlini gjithmonë ka mohuar çdo lidhje me ëagnerin, një reagim i ashpër do ta minonte atë pretendim, thonë ata.

Franca ishte forca shtytëse pas lëvizjeve për të sanksionuar ëagnerin, për shkak të shqetësimit për aktivitetet e grupit në Afrikë.

Rruga Press