Shfaqet i restauruar për publikun filmi ‘Vdekja e kalit’ 30 vite pas premierës së parë.
“Vdekja e Kalit” drama e parë filmike pas rënies së diktaturës rishfaqet 30 vite pas , tashmë i restauruar, me cilësi të re të figurës por edhe zërit nga Arkivi Qëndror Shtetëror i Filmit.
Protagonistët nuk fshehin emocionet e ringjalljes së filmit.
Regjisori Saimir Kumbaro, kujton problemet e shumta të filmit për shkak të buxheteve të ulëta.
Timo Flloko, e cilëson rol të veçantë atë të Agron Kurtit.
Vdekja e kalit shkak i problemeve teknike, nuk u mundësua vite më parë që të marr pjesë në festivalin e Canës, kujton Flloko.
Rajmonda Bulku, në këtë premierë, kujton porosinë e kritikëve të huaj për ruajtjen e autenticitetit në kinemanë shqiptare.
Filmi realizuar në vitin 1992 mban firmën e regjisorit Saimir Kumbaro, skenar të Nexhati Tafës dhe syrin e drejtorit të fotografisë Bardhyl Martiniani. Me interpretim Timo Flloko, Rajmonda Bulku, Niko Kanxheri.
Tashmë “Vdekja e kalit“ mund të ketë një jetë të re ne festivalet e filmit në retrospektiv.
Restaurimi i filmit ‘Vdekja e kalit’ u mundësua falë programit “A Season of Classic Films ”, nismë e Shoqatës së Kinematekave Evropiane ku Arkivi Qëndror Shtetëror i Filmit është anëtar prej 2019, dhe me mbështetjen financiare të programit Kreativ Europe Media. Filmi u restaurua falë punës së ekspertit Izraelit të restaurimit, Shai Drori dhe kineastit Australian, Stiven Kastrisios.