Shefi i NATO-s thotë se aleatët duhet të përgatiten për më të keqen në Ukrainë

Sekretari i Përgjithshëm i NATO-s, Jens Stoltenberg paralajmëroi të martën se organizata ushtarake e udhëhequr nga Shtetet e Bashkuara duhet të përgatitet për më të keqen, pasi po rritet edhe shqetësimi se Rusia mund të përgatitet për të pushtuar Ukrainën.

NATO është i shqetësuar për shkak të grumbullimit të pajisjeve të rënda ruse dhe trupave pranë kufirit verior të Ukrainës, jo shumë larg Bjellorusisë.

Ukraina thotë se Moska mbajti rreth 90,000 trupa në atë zonë pas manovrave masive ushtarake në Rusinë perëndimore në fillim të këtij viti dhe mund t’i mobilizojë lehtësisht.

Presidenti ukrainas Volodymyr Zelenskyy tha javën e kaluar se shërbimi i inteligjencës së vendit të tij kishte zbuluar plane për një grusht shteti të mbështetur nga Rusia. Rusia mohoi akuzat dhe hodhi poshtë pohimin se po planifikonte të pushtonte Ukrainën.

“Mund të diskutoni nëse mundësia për një inkursion është 20% apo 80%, nuk ka rëndësi. Ne duhet të jemi të përgatitur për më të keqen”, u tha Stoltenberg gazetarëve në Riga, Letoni, pasi udhëhoqi bisedimet mes ministrave të jashtëm të NATO-s, të fokusuar në kërcënimin e paraqitur nga Rusia.

“Nuk ka asnjë siguri, asnjë qartësi se cilat janë synimet ruse dhe ato mund të evoluojnë dhe ndryshojnë”, vazhdoi shefi i NATO-s. Duke iu referuar pushtimit të Gadishullit të Krimesë të Ukrainës nga Rusia në vitin 2014, Stoltenberg shtoi: “Ata e kanë bërë këtë më parë”./MilitaryTimes

©Rruga Press