SHBA-ja paralajmëron Kinën: Rrezikon të jesh në anën e gabuar të historisë

Që nga pushtimi i Ukrainës nga Rusia, Kina ka kërkuar të qëndrojë neutrale ndaj konfliktit, duke bërë thirrje për një zgjidhje paqësore. Dhe në një telefonatë të mërkurën, presidenti i Kinës Xi Jinping e siguroi presidentin rus Putin për mbështetjen e Pekinit për “sovranitetin dhe sigurinë” e Moskës, sipas agjencisë së lajmeve AFP.

Por SHBA-ja ka shprehur shqetësimin, duke paralajmëruar se shtetet që mbështesin Putinin për pushtimin e tij në Ukrainë do të jenë “në anën e gabuar të historisë”.

“Kina pretendon të jetë neutrale, por sjellja e saj e bën të qartë se ajo ende po investon në lidhje të ngushta me Rusinë”, ka thënë një zëdhënës i Departamentit të Shtetit të SHBA.

Tregtia dypalëshe e Kinës me Rusinë u rrit në tremujorin e parë të vitit, duke u rritur me 28% nga një vit më parë, sipas të dhënave të doganave kineze.

Rruga Press