SHBA-ja me 1 miliard dollarë ndihmë për Ukrainën, duke përfshirë më shumë armë

Siç pritej, presidenti amerikan Joe Biden ka njoftuar një paketë të re mbështetjeje për Ukrainën.

Pas një telefonate me homologun e tij ukrainas këtë mëngjes, ai njoftoi edhe për një miliardë dollarë ndihmë për sigurinë, duke përfshirë artileri shtesë dhe armë të mbrojtjes bregdetare.

Paketa përfshin gjithashtu municione dhe sisteme raketash të avancuara që do të përdoren në rajonin e Donbasit.

Zoti Biden njoftoi gjithashtu një ndihmë humanitare prej 225 milionë dollarësh për të ndihmuar në furnizimin me ujë të pijshëm, furnizime mjekësore, ushqim, strehim dhe para për familjet për të blerë sende thelbësore.

Ukraina ka kërkuar dëshpërimisht për më shumë armatime të rënda që do të ndihmojnë në betejën e saj në Donbas.

©Rruga Press