SHBA-ja i kërkon Xi-së t’i bëjë presion Putinit t’i ndalë krimet në Ukrainë

March 21, 2023 user 1

SHBA-ja i ka kërkuar presidentit kinez, Xi Jinping që të bëjë presion ndaj presidentit rus, Vladimir Putin, për t’i ndalur “krimet e luftës” që po kryhen nga Rusia në Ukrainë.

Jinpingu dhe Putini do të takohen sërish të martën për bisedime zyrtare gjatë vizitës së parë të Xi-së në Moskë që nga fillimi i luftës në Ukrainë, raportoi BBC-ja të martën.

Zëdhënësi i Këshillit të Sigurisë Kombëtare të Shtëpisë së Bardhë i bëri thirrje Xi-së që t’i kërkojë homologut të tij rus të tërheqë trupat nga Ukraina.

Lexo më shumë Pas fitorës së raundit të parë të zgjedhjeve nga kandidati anti-Nato, Presidenti i Rumanisë mbledh Këshillin e Lartë të Mbrojtjes për cënimet e sigurisë nga Tiktok-u

John Kirby ka deklaruar se kërkimi i një armëpushimi nuk mjafton.

“Ne shpresojmë që presidenti Xi do të bëjë presion ndaj presidentit Putin që të ndalojë bombardimet e qyteteve, spitaleve dhe shkollave të Ukrainës, të ndalojë krimet e luftës dhe mizoritë, dhe të tërheqë trupat e tij”, ka thënë Kirby.

Ai ka shtuar se SHBA-ja është e shqetësuar se në vend të kësaj, Kina do të përsëris thirrjet për një armëpushim që i lë forcat ruse brenda territorit sovran të Ukrainës.

Lexo më shumë Ukraina thotë se ka goditur një depo nafte dhe një stacion radari në Rusi

Putini ka thënë se do ta diskutojë një plan prej 12 pikash të propozuar nga Xi-ja për të “zgjidhur krizën akute në Ukrainë”.

“Ne jemi gjithmonë të hapur për një proces negociatash”, ka thënë Putini.

Rruga Press