SHBA-ja dërgon HIMARS të tjerë në Ukrainë, synohet goditja e Krimesë

Sekretari i shtypit i Pentagonit, Pat Ryder dhe zëvendës-ndihmës Sekretarja e Mbrojtjes, Laura Cooper, mbajtën një konferencë shtypi ku diskutuan paketën e re të ndihmës ushtarake që Shtetet e Bashkuara të Amerikës do t’i ofrojnë Ukrainës, shkruan CNN.

Siç u njoftua, paketa e fundit e ndihmës do të përfshijë sistemet raketore HIMARS, si dhe një sërë armësh të tjera që mund të ndihmojnë Ukrainën të vazhdojë të çlirojë territorin e saj.

“Ndihma përfshin katër sisteme artilerie HIMARS me municion, 16 aviatorë M777 155 mm, 75 mijë fishekë obusi si dhe 500 fishekë M982 Excalibur të drejtuara me precizion. Gjithashtu, ndihma përfshin 16 automjete si dhe 200 mijë copë plumba për armë të vogla”, ka thënë Pentagoni.

Pas kësaj, zyrtarët ushtarakë amerikanë iu referuan edhe sukseseve të ushtrisë ukrainase.

“Forcat e armatosura ukrainase vazhdojnë të rifitojnë territor. Çlirimi i Lymanit ishte një arritje e rëndësishme operacionale dhe forcat ukrainase vazhduan të përparojnë në rajonin e Kharkivit, si dhe në jug rreth Khersonit. Kundërofensiva ukrainase në Kherson ka bërë përparim të rëndësishëm në 24 orët e fundit”, sqaruan ata.

Duke qenë se ukrainasit kishin kërkuar më parë sisteme ATACMS me rreze të gjatë, Pentagoni deklaroi se nuk kishte nevojë të dërgoheshin armë të tilla.

“Për sa i përket aftësive dhe asaj që shohim në fushën e betejës, vlerësimi ynë është se me aftësitë ekzistuese që ka HIMARS, ukrainasit mund të godasin shumicën e objektivave në fushën e betejës. Unë mendoj se ata mund të godasin shumicën e objektivave, përfshirë Krimenë. Vetëm për të qenë i qartë, Krimea është Ukrainë”, përfundoi Cooper.

Krimea është një territor ukrainas që u aneksua nga Rusia në vitin 2014.

Rruga Press