“Severodonetsku do të çlirohet brenda pak ditësh”
Qyteti lindor i Severodonetskut do të “çlirohet brenda pak ditësh”, tha guvernatori i Luhanskut, Serhiy Haidai.
Teksa luftimet në rrugët e qytetit vazhdojnë, zoti Haidai tha se forcat ukrainase do të jenë në gjendje të “pastrojnë” zonën pasi të kenë marrë artileri me rreze të gjatë.
Në një deklaratë nga zyra e guvernatorit për Sky News thuhej: “Ne jemi duke pritur për armët perëndimore me rreze të gjatë. Pasi t’i marrim ato, Severodonetsku do të çlirohet brenda pak ditësh.”
Ai vijoi deklaratën duke thënë se ndërkohë që evakuimi i civilëve dhe dërgimi i ndihmave humanitare në qytet ishte “ende i pamundur”, spitali i rajonit kishte “gjithçka të nevojshme për të stabilizuar të plagosurit”.
Severodonetsku, i vendosur 189 milje në jug të kufirit me Rusinë, është bërë fokusi kryesor i ofensivës ruse në Ukrainë në javët e fundit.
Është një nga zonat e fundit në rajonin lindor të Luhanskut që është ende nën kontrollin e Ukrainës.
Megjithatë, nëse forcat e Kremlinit kapin qytetin, kjo do t’i jepte Moskës kontrollin e të gjithë rajonit të Luhanskut – i cili përbën një pjesë të zonës së Donbasit në lindje.
©Rruga Press