Serbët e arrestuar në posedim të emblemave të UÇK-së, flet prokurori i rastit

Tre shtetasit serbë që mbrëmë u hasën me disa emblema të UÇK-së dhe u arrestuan nga Policia e Kosovës, janë deklaruar si koleksionues të tyre.

Kështu ka bërë të ditur për KALLXO.com prokurori special që po heton këtë çështje, Haki Geci.

“Ata kanë deklaruar se i kanë blerë sepse janë koleksionues të tyre, ata i kanë blerë në qendrën tregtare në “Arbëri” dhe jam në pritje të rezultateve të intervistave”, tha Geci për KALLXO.com.

KALLXO.com raportoi se tre serbët, sipas burimeve, kanë vendbanim të përhershëm në Serbi dhe u hasën mbrëmë në lagjen “Dragodan” të Prishtinës në një rrugë e cila dërgon te disa qendra tregtare të zonës.

Sipas këtyre burimeve, në makinën e tyre janë gjetur më pak se 10 emblema të Ushtrisë Çlirimtare të Kosovës.

Prokurori Geci konfirmoi se ata aktualisht janë duke u intervistuar dhe është në pritje të rezultateve të intervistës.

Rruga Press