Senatorja amerikane: SHBA-ja krahë jush

October 13, 2023 User2

Senatorja amerikane Jeanne Shaheen në konferencën për media pas takimit me kryeministrin Albin Kurti ka thënë se shtetet evropiane dhe ShBA-të janë të koncentruara në rajonin e Ballkanit Perëndimor dhe stabilitetin në këtë zonë.

“Mendojmë se është shumë e rëndësishme që përgjegjësit të japin llogari sipas sundimit të ligjit dhe Serbia të bashkëpunojë në hetimet e vazhdueshme. Është kohë e duhur dhe një përkujtim i mire që stabiliteti afatgjatë i këtij rajoni dhe Kosovës nënkupton një marrëveshje me Serbinë për të adresuar në mënyrë paqësore dallimet mes vendeve tuaja”, ka thënë ajo.

Lexo më shumë Muja shpalos fakte: Në kohën kur Hykmete Bajrami ka qenë Ministre e Tregtisë nga rezervat shtetërore janë avulluar mbi 2500 tonë grurë në vlerë 529 mijë euro

Tutje theksoi se SHBA qëndrojnë me Kosovën dhe nuk duan të shohin një konflikt tjetër në këtë rajon.

“E pamë javën e kaluar se çka ndodhi kur ka urrejtje, konflikt dhe çështje të pazgjidhura ku qytetarët janë ata që humbasin në një situate të tillë. E di se qytetarët e Kosovës e kuptojnë çfarë ndodh kur ka konflikt dhe ndikimin e paparashikueshëm në familjet. Nuk duam që të ketë më shumë konflikt, siç po e shohim në Ukrainë. Prandaj stabiliteti dhe lidershipi janë të rëndësishme për Kosovën. SHBA qëndrojnë krahë jush”, u shpreh senatorja.

Lexo më shumë Zgjedhjet e 9 shkurtit, Konjufca fton mërgimtarët që të regjistrohen dhe të shfrytëzojnë të drejtën për të votuar në ambasada ose konsullata

Tutje tha se ndihet mire kur sheh rritjen e trupave ushtarak të KFOR-it sepse kjo siguron siguri dhe stabilitet

Rruga Press