Sekretari amerikan i Mbrojtjes: Moska të shpjegojë dërgimin e trupave afër Ukrainës

Zyrtarët amerikanë nuk janë të sigurt se pse presidenti rus Vladimit Putin po grumbullon forcat ushtarake afër kufirit me Ukrainën, por e shohin atw si shembull tjetër të lëvizjeve shqetësuese ushtarake që kërkojnë shpjegimin e Moskës, ka thënë Sekretari i Mbrojtjes, Lloyd Austin.

“Do të vazhdojmë t’i thërrasim Rusisë që të veprojë më përgjegjshëm dhe të jetë më transparente në dërgimin e forcave rreth kufirit me Ukrainën”, tha ai. “Nuk jemi të sigurt se çfarë po planifikon saktësisht Putini”.

Shtoi se shtimi i forcave ruse ka vëmendjen e Pentagonit, shkruan AP.

Trupat ruse afër Ukrainës është një shqetësim më i madh. Ministria e Mbrojtjes ukrainase tha javën e kaluar se rreth 90 mijë trupa ruse ishin stacionuar jo larg kufirit. Rusia nga ana tjetër ka thënë se trupat u dërguan për trajnim, si pjesë e masave për t’i dalë ballë kërcënimeve të sigurisë nga forcat e NATO-s në kufijtë rusë.

Rruga Press