Scholz: Paqja në Ukrainë vetëm nëse Putini tërheq trupat

Kancelari gjerman Olaf Scholz tha sot se paqja në Ukrainë është e mundur në çdo kohë nëse presidenti rus Vladimir Putin ndalon luftën.

Sipas mediave të huaja, Scholz tha gjithashtu se ka pasur gjithmonë iniciativa për ndërmjetësim.

“Për shembull, menjëherë pas shpërthimit të luftës, Rusia dhe Ukraina negociuan drejtpërdrejt me njëra-tjetrën.

Negociatat më pas dështuan sepse Rusia i përdori ato vetëm si një justifikim për të zhvendosur njëkohësisht trupat e saj në lindje për një ofensivë të madhe”, theksoi kancelari gjerman.

Rruga Press