Sanders i bën thirrje Bidenit që të distancohet nga lufta e Netanyahut në Gaza

Senatori amerikan Bernie Sanders i ka bërë thirrje presidentit amerikan Joe Biden që të distancohet nga kryeministri izraelit Benjamin Netanyahu, duke thënë se të qenit pro-izraelit nuk do të thotë se Uashingtoni duhet të mbështesë kryeministrin izraelit.

Sanders thotë se mbështetja e SHBA-së për luftën mund të jetë një sërë çështjesh që mund t’i pengojë votuesit progresivë demokratë të votojnë për Bidenin në zgjedhjet presidenciale të nëntorit 2024.

“Shpresoj që Biden të kuptojë se ju mund të jeni pro-Izraelit pa e mbështetur Netanyahun dhe luftën e tmerrshme që ai po bën kundër popullit palestinez”, ka thënë Sanders për The Guardian.

I pyetur për faktin se ai nuk ka bërë thirrje për armëpushim në luftën e Izraelit kundër grupit terrorist Hamas, dhe nëse kjo mund të shkaktojë përçarje në Partinë Demokratike, Sanders u shpreh: “Unë mendoj në fund të ditës do të jemi mirë”.

Sanders mendon se armëpushimi i përhershëm mund të çojë në përsëritjen e sulmit të 7 tetorit nga Hamasi.

Një sondazh i publikuar muajin e kaluar zbuloi se shumica e amerikanëve kundërshtojnë trajtimin që Biden po i bën luftës midis Izraelit dhe Hamasit.

Sondazhi zbuloi gjithashtu një ndarje midis votuesve të rinj dhe të moshuar. Sondazhi zbuloi se në mesin e njerëzve midis moshës 18 dhe 29 vjeç, gati tre të katërtat nuk e miratojnë mënyrën se si Bideni po e trajton konfliktin.

Rruga Press