Rusia “zgjeron” synimet e saj në Ukrainë, Lavrov: Nuk do të lejojmë furnizimin me armë nga Perëndimi

Rusia i ka zgjeruar synimet e saj ushtarake përtej lindjes së Ukrainës, duke i vendosur sytë në rajone të tjera përpos Doneskut dhe Luahskut.

Dorëzimi i armëve nga Perëndimi në Ukrainë nxiti zhvendosjen e fokusit nga Donetsk dhe Luhansk në rajonet jugore, disa prej të cilave tashmë janë nën kontrollin e forcave ruse.

“Gjeografia tani është ndryshe. Nuk bëhet fjalë vetëm për DNR dhe LNR, por edhe për rajonin Kherson, rajonin e Zaporizhzhia dhe një sërë territoresh të tjera. Procesi po vazhdon, në mënyrë të vazhdueshme dhe këmbëngulëse”, tha ministri i Jashtëm Sergei Lavrov.

Lavrov paralajmëroi se objektivat e Kremlinit mund të zgjerohen edhe më tej nëse Perëndimi vazhdon të furnizojë Ukrainën me armë.

“Ne nuk mund të lejojmë që pjesa e Ukrainës që do të kontrollojë [Volodymyr] Zelensky, ose kushdo që do ta zëvendësojë atë, të ketë armë që do të përbëjnë një kërcënim të drejtpërdrejtë për territorin tonë dhe territorin e atyre republikave që kanë shpallur pavarësinë e tyre”, tha ai.

Rruga Press