Rusia thërret ambasadorin polak në Moskë për takim

Ambasadori i Polonisë në Rusi është thirrur në ministrinë e jashtme në Moskë, tha agjencia shtetërore e lajmeve PAP, duke cituar ministrin e Jashtëm polak Zbigniew Rau.

“Për sa i përket marrëdhënieve tona me Federatën Ruse, ne e dimë se ambasadori polak në Moskë është thirrur në ministrinë e jashtme ruse”, citohet të ketë thënë zoti Rau në një konferencë shtypi.

Për kontekstin: Lëvizja vjen pasi tensionet midis dy kombeve janë të larta pas pushtimit që Rusia nisi ndaj Ukrainës në muajin shkurt.

Muajin e kaluar, Polonia vendosi sanksione ndaj 50 oligarkëve dhe kompanive ruse për luftën e saj në Ukrainë.

Ajo miratoi gjithashtu një ligj që e lejon atë të ngrijë asetet e subjekteve ruse dhe të ndalojë importet e qymyrit nga Rusia.

Polonia ka argumentuar vazhdimisht për sanksione më të ashpra kundër Rusisë dhe ka thënë më parë se do të ndalojë importin e qymyrit rus deri në maj dhe do të ndalojë përdorimin e naftës ruse deri në fund të vitit 2022.

Në fillim të kësaj jave, ambasadorit të Rusisë në Poloni, Sergej Andreev, iu hodh bojë e kuqe në fytyrë nga protestuesit që kundërshtonin luftën në Ukrainë.

Rruga Press