Rusia njohu pavarësinë e rajoneve separatiste të Ukrainës Lindore, Meta: Shkelje e rëndë e ligjit ndërkombëtar

Presidenti Ilir Meta dënon njohjen e rajoneve separatiste të Ukrainës Lindore të Donetskut dhe Luhanskut, nga presidenti rus Vladimir Putin.

Në një reagim zyrtar, Meta thekson se ky akt është një shkelje e rëndë e ligjit ndërkombëtar, e marrëveshjes së Minskut, si dhe minon integritetin territorial dhe sovranitetin e Ukrainës!

Po ashtu presidenti bën me dije se Shqipëria qëndron e bashkuar me partnerët dhe aleatët në mbështetje të Ukrainës.

Statusi:

Dënoj njohjen nga Rusia të pavarësisë së rajoneve separatiste të Ukrainës Lindore të Donetskut dhe Luhanskut.

Ky akt unilateral është një shkelje e rëndë e ligjit ndërkombëtar, e marrëveshjes së Minskut, si dhe minon integritetin territorial dhe sovranitetin e Ukrainës!

Shqipëria qëndron e bashkuar me partnerët dhe aleatët në mbështetje të Ukrainës.

Rruga Press