Rusia ka rrethuar Ukrainën në tre anë. Ku do të godasë?

Më shumë se 100,000 trupa ushtarakë rusë janë dislokuar javët e fundit pranë kufirit ukrainas, me shërbimet e inteligjencës perëndimore dhe ukrainase që shprehin frikën se një pushtim mund të ndodhë në çdo kohë.

Dhe ndërsa përpjekjet për të parandaluar një luftë katastrofike vazhdojnë, analistët paralajmërojnë për kërcënimin e afërt.

Megjithatë, nëse ky pushtim famëkeq do të ndodhë, nuk është e qartë se nga ku do të niste. Rusia ka krijuar tre pika presioni ndaj Ukrainës: në Krime në jug, në anën ruse të kufirit me Ukrainën dhe në Bjellorusi në veri.

E gjithë vëmendja është te zonat Donetsk dhe Luhansk , ku forcat ukrainase të mbështetura nga Rusia dhe separatistët janë në konflikt që nga viti 2014.

Sipas ekspertëve që vëzhgojnë lëvizjet ruse Moska mund të forcojë praninë e saj ushtarake në rajon, duke e bërë Ukrainën lindore vendin më të lehtë për të nisur një pushtim.

Imazhet satelitore të CNNi tregojnë se një bazë e madhe në Yelnya, ku ishin stacionuar tanket rusë, artileria dhe forca të blinduara të tjera, është zbrazur në masë të madhe, me pajisjet ushtarake që me sa duket po lëvizin shumë më afër kufirit ditët e fundit.

Në të njëjtën kohë, ka lëvizje intensive në rajonet Kursk dhe Belgorod, të cilat kufizohen me Ukrainën verilindore.

Bjellorusia

Megjithatë, shqetësues është përforcimi i konsiderueshëm i trupave rusë në Bjellorusi, një aleat i Moskës që mund të jetë një portë tjetër për në Ukrainë.

Të enjten, Rusia dhe Bjellorusia nisën një stërvitje të përbashkët ushtarake 10-ditore, madhësia dhe koha e së cilës kanë ngritur shqetësime në Perëndim.

Rruga Press