Rusia ka humbur 1,300 ushtarë, 11 tanke dhe 35 autoblinda në 24 orët e fundit

Forcat ruse kanë humbur 1300 ushtarë, 11 tanke, 35 automjete të blinduara dhe 23 sisteme artilerie vetëm gjatë 24 orëve të fundit.

Shtabi i Përgjithshëm i Forcave të Armatosura të Ukrainës në Facebook ka postuar të dhënat.

Që nga fillimi i pushtimit rus në Ukrainë, Kievi vazhdimisht ka publikuar raporte në baza ditore, ku informon opinionin për humbjet që i janë shkaktuar forcave pushtuese në 24 orët e fundit.

Në anën tjetër, ushtria ruse pothuajse vetëm një herë e ka bërë një gjë të tillë nga fillimi i luftës, nga frika se kjo do t’i shkaktojë probleme presidentit rus Vladimir Putin, i cili me çdo kusht tenton t’i mbajë të fshehta këto të dhëna.

Humbjet totale të forcave ruse ndërmjet 24 shkurtit 2022 dhe 9 majit 2024 vlerësohen të jenë si më poshtë (shifrat në kllapa paraqesin humbjet më të fundit)

478,730 (+1,300) personel ushtarak;

7,429 (+11) tanke;

14,281 (+35) autoblinda;

12,340 (+23) sisteme artilerike;

1,058 (+1) sisteme raketore;

793 (+1) sisteme të mbrojtjes kundërajrore;

349 (+0) aeroplanë;

325 (+0) helikopterë;

9,775 (+47) dronë;

2,192 (+41) raketa;

26 (+0) anije dhe luftanije;

1 (+0) nëndetëse;

16,618 (+69) autocisterna.

Rruga Press