Rusia e Ukraina arrijnë marrëveshje për rivendosjen e armëpushimit
Organizata për Siguri dhe Bashkëpunim në Evropë ka njoftuar se palët janë të vendosuar për një armëpushim.
Rusia, Ukraina dhe Organizata për Siguri dhe Bashkëpunim në Evropë (OSBE) kanë rënë dakord të rivendosin një armëpushim në Ukrainën lindore, ku Kievi po lufton separatistët e mbështetur nga Rusia. Mediat e huaja raportojnë se marrëveshja erdhi në kohën e tensioneve të larta në rajon.
Vendet perëndimore akuzojnë Rusinë se ka grumbulluar rreth 100,000 trupa pranë kufijve të Ukrainës dhe akuzojnë Moskën për planifikimin e një pushtimi dimëror. Rusia ka mohuar se ka ndonjë plan për pushtimin e Ukrainës. Sidoqoftë, Ministria e Mbrojtjes tha se do të kryejë ushtrime ushtarake të enjten dhe të premten. Shtetet e Bashkuara kanë paralajmëruar Kremlinin për sanksione të paprecedentë nëse ai fillon një sulm.