Rusia dëbon 20 diplomatë gjermanë

Rusia njoftoi të shtunën se po dëbon një numër të caktuar diplomatësh gjermanë, megjithëse Gjermania nuk e konfirmoi menjëherë dëbimin e tyre, shkruan Reuters.

Agjencia shtetërore ruse e lajmeve RIA Novosti njoftoi, pa përmendur një burim, se Gjermania po dëbon më shumë se 20 diplomatë rusë.

Një zyrtar i Ministrisë së Jashtme gjermane ka thënë se Berlini dhe Moska kanë qenë në kontakt me ambasadat e tyre përkatëse në javët e fundit dhe se mbërritja e një avioni qeveritar rus në Berlin lidhej me këtë çështje.

Marrëdhëniet midis Rusisë dhe Gjermanisë, dikur blerësi më i madh i naftës dhe gazit rus, janë përkeqësuar që kur Moska dërgoi forcat e saj të armatosura në Ukrainë në shkurt 2022 dhe Perëndimi është përgjigjur me sanksione dhe armë për Ukrainën.

“Autoritetet gjermane kanë vendosur për një tjetër dëbim masiv të zyrtarëve të misioneve diplomatike ruse në Gjermani. Ne i dënojmë fuqishëm këto veprime të Berlinit, i cili vazhdon të shkatërrojë demonstrativisht një seri të tërë marrëdhëniesh ruso-gjermane”, thuhet në njoftimin e Rusisë.

Rruga Press