Rrustemi: Në 2013, partitë hoqën stemën dhe emrin “Republika e Kosovës” nga fletëvotimet për t’ia bërë qejfin Serbisë dhe Listës Serbe

Anëtari i Lëvizjes VETËVENDOSJE!-es, Adnan Rrustemi, ka kujtuar vendimin e vitit 2013, kur ishte anëtar i Komisionit Qendror të Zgjedhjeve, për heqjen e stemës së Kosovës dhe mbishkrimit “Republika e Kosovës” nga fletëvotimet dhe materialet zgjedhore.

Rrustemi tha se kjo u bë si pjesë e kushteve të vendosura nga Serbia dhe Lista Serbe, në kuadër të dialogut politik të asaj kohe.

“Sot janë të njëjtat parti që po e mbrojnë Listën Serbe, ndërsa atëherë e patën arsyetuar dhe votuar heqjen e stemës dhe emrit ‘Republika e Kosovës’”, shkroi ai.

Ai theksoi se në atë kohë vetëm dy anëtarë të KQZ-së kishin kundërshtuar vendimin, ndërsa të tjerët kishin qenë bashkë, njësoj si sot.

Rruga Press