Rrjeti ‘shpërthen’ ndaj Izraelit, kërkon bojkotimin e Eurovision 2024

Izraeli është përfshirë në listën e vendeve pjesëmarrëse për Eurovision 2024, duke bërë që shumë njerëz të bëjnë thirrje që vendi të ndalohet nga konkursi për shkak të luftës së vazhdueshme të Izraelit dhe Hamasit dhe për bojkotimin e Eurovizionit të vitit të ardhshëm.

Në disa nga komentet në X thuhej se do duhet të kishin vepruar njëjtë si me Rusinë vitin e kaluar.

“Unë po bojkotoj 100% Eurovizionin sepse ata vendosën të përfshijnë Izraelin dhe Azerbajxhanin, pavarësisht mizorive dhe krimeve të tyre kundër njerëzimit. Çfarë organizimi i keq. Duhet ta kishin dëbuar Izraelin. Siç bënë me Rusinë vitin e kaluar.”- tha njw komentues.

Pas kritikave në internet, Unioni Evropian i Transmetuesve lëshoi një deklaratë në lidhje me pjesëmarrjen e Izraelit në Eurovizion, duke thënë se aktualisht nuk ka plane ta ndalojë Izraelin nga Eurovision Song Contest.

‘Eurovision Song Contest është një konkurs për transmetuesit publikë nga e gjithë Evropa dhe Lindja e Mesme. Është një konkurs për transmetuesit – jo për qeveritë – dhe transmetuesi publik izraelit ka marrë pjesë në konkurs për 50 vjet. EBU është një organizatë e udhëhequr nga anëtarët. Organet drejtuese të EBU – të udhëhequra nga Bordi i Drejtorëve – përfaqësojnë anëtarët. Këto organe vlerësuan listën e pjesëmarrësve dhe vendosën që transmetuesi publik izraelit respekton të gjitha rregullat e konkurrencës. Së bashku me 36 transmetues të tjerë, do të mund të marrë pjesë në konkurs vitin e ardhshëm. Për momentin, ka një qëndrim gjithëpërfshirës ndaj pjesëmarrësve izraelitë në garat e mëdha. Eurovision Song Contest mbetet një ngjarje jopolitike, duke bashkuar audiencën në mbarë botën përmes muzikës.’- thuhet në njoftim.

Duke u përballur me krahasime mes Izraelit që lejohet në konkurs dhe Rusisë që është ndaluar prej vitit të kaluar (për shkak të pushtimit të Ukrainës), EBU shpjegoi:

Në vitin 2022, pas pushtimit të Ukrainës, organet drejtuese të EBU vendosën të përjashtonin Rusinë nga Eurovision Song Contest, ku ata do të konkurronin përkrah Ukrainës. Siç u tha më parë, Eurovision Song Contest është një garë për transmetuesit. Pas shkeljeve të përsëritura të detyrimeve të anëtarësimit dhe shkeljes së vlerave të medias publike, Rusia u pezullua.

Suedia do të jetë vendi pritës i Festivalit të 68-të të Eurovizionit në maj, pas fitores së Loreen në Liverpool këtë vit me këngën “Tattoo”.

Rruga Press