Rritet kostoja e koncesioneve, në 2024 shkon 130 mln euro

Kostoja totale e koncesioneve për vitin 2022 do të shkojë në mbi 110 milionë euro.

Për këtë vit janë 11 kontrata partneriteti publik-privat aktive. Shuma që kompanitë kanë përfituar nga buxheti i shtetit është 4 për qind më e lartë se viti i kaluar.

Për 2021, planifikimi në buxhetin fillestar ishte 111 milionë euro. Por, pagesat rezultuan rreth 15 milionë euro më pak nga pezullimi i pagesave për disa kontrata për shkak të pandemisë.

Në 2024, qeveria planifikon të paguajë 130 milionë euro kompanitë e koncesioneve. Një pjesë e mirë për këtë rritje shkon për koncesionet e reja, që janë parashikuar në buxhet për t’u dhënë në vitin e ardhshëm.

Relacioni shoqërues i projektbuxhetit thotë se kostoja vjetore e koncesioneve do të mbetet në nivelin 2.5 përqindëshit të prodhimit të brendshëm bruto, ndërsa kostoja total e tyre është rreth 36 për qind e GDP-së.

Rruga Press