Rrëmujat e Ramujës

Nga Agim Morina

Kryeministri i Shqipërisë, Edi Rama, paska shku në Kiev të Ukrainës për me pa me sytë e vet edhe një “rrëmujë” më shumë.

Ta shohim a ka me i porositë ukrainasit që “të rriten” e “të harrojnë rrëmujat”, sepse profeti i paqes tashmë ka thënë me gojë e ka përshkëllirë me bojë që “fqinjët nuk i zgjedh”.

Të shohim se a do të çoroditë Volodymyr Zelenskyn me thëniet e gjyshes së tij se “komshiu i lumtur, shtëpi e lumtur”. A do t’u mbajë taravia ukrainasve për rrugën drejt së ardhmes, që ukrainasit janë aty “për të qëndruar”, ndërsa Rusia “nuk do të shkojë askund”.

A do ta mbyllë vizitën e tij me fraza pa kripë, pa mend e pa shije:

“Të gjithë ju do të jeni këtu. Ju duhet ta zgjidhni dhe të rriteni dhe të harroni të gjithë rrëmujën që keni krijuar për njëri-tjetrin.”

Nëse e bën këtë do të vërtetojë se ësht budalla i sherrit, nëse nuk e bën atëherë është sherri i budallës.

©Rruga Press