Restaurimi i Notre Dame, nis puna për pastrimin e xhamave me ngjyra

Të pistë, të nxirë e të pluhurosur. Xhamat me ngjyra të dritareve të Notre Dame, në Paris, kanë nevojë për restaurim. Pasi i mbijetuan zjarrit që përfshiu katedralen në prill të 2019-s, ata tani po pastrohen.

Fillimisht ata duhet të hiqen me kujdes nga struktura e tyre. Më pas, panelet e brishta u dërgohen 8 punishteve të restaurimit, që tashmë kanë nisur punën për t’i kthyer xhamat në lavdinë e tyre të mëparshme.

Vetë punëtorët që po kryejnë procesin janë pajisur me një pambuk thithës i ngjyer me ujë dhe alkool, si dhe me shumë durim.

“Pambuku shërben për të hequr mbetjet dhe na lejon të konstatojmë ngjyrat dhe të mos i shohim ato me mbulesën e zezë. Ndaj është goxha e lehtë”, thotë Flavid Vincent Petit, punonjëse.

Ky operacion është i pari për restaurimin e pjesës së brendshme të objektit të kultit. Objektivi është i njohur: hapja e tij për publikun në vitin 2024.

“Ne duhet ta arrijmë këtë objektiv dhe mund t’ju them se brenda godinës të gjithë janë në lëvizje”, shprehet Jean Louis Georgelin, mbikëqyrës i punimeve për restaurimin e Notre Dame.

Në vjeshtë të 2023-shit, xhamat me ngjyra duhet të ndodhen në vendin që mbanin për më shumë se 9 shekuj.

Rruga Press