RENEA stërvitje me Forcat Speciale Ushtarake amerikane

RENEA bashkë me Forcat Speciale Ushtarake amerikane janë trajnuar prej 5 javësh në Bizë.

Qëllimi i trajnimit ka qenë antiterrori.

Trajnimi “JCET 2022” angazhoi, përmes lëvizjeve, metodave, reagimeve dhe manovrave të shumta, Njësinë e Snajperave, grupet taktike dhe seksione të tjera të Repartit Special RENEA.

Përfaqësuesit e Forcës Speciale Ushtarake amerikane/“Green Berets” vlerësuan profesionalizmin e treguar gjatë këtyre trajnimeve nga efektivët e Reparti Special elitë RENEA, si dhe shprehën gatishmërinë e plotë për ta asistuar me trajnime të mëtejshme Repartin Special, për aspekte të tjera të punës së tyre, thuhej në njoftimin e policisë.

Njoftimi i Policisë:

Reparti Special elitë RENEA dhe Forca Speciale Ushtarake amerikane/“Green Berets”, krah për krah në trajnime intensive antiterrorizëm.

Efektivët e Repartit Special elitë RENEA kanë zhvilluar një trajnim 5-javor intensiv, të një shkalle të lartë profesionaliteti dhe ekspertize, së bashku me përfaqësues të Forcës Speciale Ushtarake amerikane/“Green Berets”. Ky trajnim u zhvillua në ambientet e Repartit Special RENEA dhe në poligonin e distancave të largëta, në Bizë.

Trajnimi “JCET 2022” angazhoi, përmes lëvizjeve, metodave, reagimeve dhe manovrave të shumta, Njesinë e Snajperave, grupet taktike dhe seksione të tjera të Repartit Special RENEA. Obektivi kryesor i këtij trajnimi ishte ofrimi i ekspertizës dhe i praktikave më të mira amerikane, për proceset e komandimit dhe kontrollit gjatë operacioneve policore komplekse antiterrorizëm. “JCET 2022” u përqëndrua konkretisht në rolin dhe detyrën e Repartit Special RENEA gjatë situatave të luftimit në ambiente të hapura dhe të mbyllura, survejimit, targetimit dhe ekzekutimit të objektivit, si dhe në finalizimin me sukses të operacioneve policore në mjedise rurale, me vështirësi të shtuar të terrenit.

Përfaqësuesit e Forcës Speciale Ushtarake amerikane/“Green Berets” vlerësuan profesionalizmin e treguar gjatë këtyre trajnimeve nga efektivët e Reparti Special elitë RENEA, si dhe shprehën gatishmërinë e plotë për ta asistuar me trajnime të mëtejshme Repartin Special, për aspekte të tjera të punës së tyre.

Rruga Press