Rekord i ri në bujqësi – Mbi 56 milionë euro vlerë gruri në Kosovë këtë vit
Ministri në detyrë i Bujqësisë, Faton Peci, ka bërë të ditur se këtë vit Kosova ka arritur një rekord të ri në sektorin e bujqësisë, me mbi 21 mijë hektarë më shumë të mbjella me grurë krahasuar me vitin e kaluar.
Gjatë rrugës për në Suharekë, ku bashkë me kryeministrin Albin Kurti do të marrë pjesë në fillimin e fushatës së korrje-shirjeve, Peci tha se prodhimi këtë vit ka kaluar shifrën 56 milionë euro në vlerë, ndërsa sipërfaqja totale e mbjellë me grurë arrin mbi 74 mijë hektarë në nivel vendi.
“Është një rekord i ri në sektorin e bujqësisë”, theksoi ministri Peci në deklaratën e tij..
Kjo shifër tregon një rritje të ndjeshme në prodhimtarinë bujqësore dhe përfaqëson një hap të rëndësishëm drejt vetëqëndrueshmërisë ushqimore në Kosovë.