Reja: Humbja nga Anglia nuk e dëmton imazhin, pasi në Londër ndodh të humbësh edhe më thellë
Kombëtarja e Shqipërisë pësoi humbje të thellë në udhëtim te Anglia, në kuadër të kualifikimeve për në Kampionatin Botëror “Katar 2022”.
Ndeshja e zhvilluar sonte në “Wembley” të Londrës, përfundoi me rezultatin 5-0.
“Tre Luanët” të pesë golat i shënuan në pjesën e parë. Harry Kane shkëlqeu sonte me het-trik, teksa nga një gol shënuan edhe Harry Maguire e Jordan Henderson.
Pas ndeshjes, përzgjedhësi i Kombëtares shqiptare, Edoardo Reja, për “Supersport” u shpreh:
“Ata hynë shumë fort në ndeshje dhe ishte shumë e vështirë. Në aspektin e gjendjes fizike, ata ishin shumë më lart dhe e kishim shumë të vështirë t’i ndalnim kur niseshin për në sulm. Ndaj një kundërshtari si Anglia ke shumë pak për të bërë, ndonëse u përpoqëm të bëjmë diçka në pjesën e dytë, por nuk kishte më kohë.
Do të doja të luanim pak më lart dhe të bënim më shumë presion, por ishte shumë e vështirë. Përtej cilësive që ne i dimë, ata ishin shumë më të fortë në aspektin fizik dhe kjo e bënte të pamundur për ne që të reagonim.
Nuk mendoj se kjo humbje dëmton imazhin, pasi këtu në Londër ndodhë edhe të humbësh me rezultat të thellë, duke qenë se dihet forca e kundërshtarit”.
Rruga Press