Raporti i Institutit GAP: Kosova me arritje të jashtëzakonshme, e para në rajon në eksportin e shërbimeve në vitin 2025
Sipas të dhënave të publikuara nga Instituti GAP në Prishtinë, viti 2025 shënon një arritje të rëndësishme për ekonominë e Kosovë, me një performancë të jashtëzakonshme në tregtinë e shërbimeve.
3.9 miliardë euro eksporte – rritje prej 15%
Gjatë vitit 2025, Kosova ka eksportuar shërbime në vlerë prej 3.9 miliardë euro, që paraqet një rritje mbresëlënëse prej 15% krahasuar me vitin 2024.
Në të njëjtën kohë, importet e shërbimeve kanë arritur në 1.7 miliardë euro, me një rritje më të moderuar prej 6%.
Bilanc tregtar pozitiv prej 2.2 miliardë euro
Rezultati është një bilanc pozitiv tregtar në shërbime prej rreth 2.2 miliardë euro, duke e vendosur Kosovën në një pozitë shumë të favorshme ekonomike.
Sipas raportit të institutit GAP për çdo 1 euro të eksportuar, Kosova ka importuar vetëm 44 centë – një raport që konsiderohet ndër më të mirët në rajon dhe më gjerë. Në shumë ekonomi të mëdha, eksportet dhe importet janë pothuajse të balancuara, ndërsa Kosova po demonstron një avantazh të qartë konkurrues në sektorin e shërbimeve.
Ky zhvillim dëshmon për një orientim strategjik të ekonomisë së Kosovës, e cila po fokusohet në sektorët ku ka shkathtësi dhe potencial më të madh – si teknologjia e informacionit, shërbimet profesionale, outsourcing dhe sektorë të tjerë me vlerë të shtuar.
Në të njëjtën kohë, Kosova importon ato produkte dhe shërbime për të cilat vendet e tjera kanë përparësi krahasuese – një qasje që përputhet me praktikat e ekonomive të zhvilluara.
Rritja e qëndrueshme e eksporteve të shërbimeve dhe bilanci i lartë pozitiv tregtar përbëjnë një sinjal të fortë stabiliteti dhe potenciali ekonomik, duke e bërë Kosovën gjithnjë e më tërheqëse për investime të huaja dhe zhvillim të mëtejshëm.
Ky raport konfirmon se ekonomia e Kosovës po konsolidohet dhe po ndërton një model zhvillimi të bazuar në konkurrueshmëri, specializim dhe integrim më të thellë në tregjet ndërkombëtare.
Rruga Press