Raporti amerikan: Rusia humbi më tepër këmbësori në përpjekje për të pushtuar Ukrainën

Instituti Amerikan i Luftës (ISW) ka publikuar raportin e fundit mbi situatën në Ukrainë, duke thënë se forcat ukrainase së fundmi kanë goditur një fabrikë të prodhimit të avionëve në Kazan, në Republikën e Tatarstanit.

Sipas njoftimit, komanda ushtarake ruse ka pësuar “nivel rekord të viktimave” në periudhën vjeshtë-dimër, e veçanërisht nga shtatori deri në nëntor. Këto humbje masive thuhet se janë shkaktuar “me qëllim që të arrihen përfitime territoriale relativisht më të mëdha nga sulmet e vazhdueshme të drejtuara nga këmbësoria”.

“Komandanti i përgjithshëm ukrainas, gjenerali, Oleksandr Syrskyi, raportoi më 20 janar se forcat ruse pësuan mbi 434.000 viktima në vitin 2024, 150.000 prej të cilëve ishin personel i vrarë në fushëbetejë”, thuhet në raportin e Institutit Amerikan.

Në raportin që u publikua të martën thuhet se sulmet ukrainase kundër objektivave të bazës industriale të mbrojtjes ruse “po ndikojnë në aftësitë luftarake të forcave ruse”.

“Forcat ruse kohëve të fundit përparuan pranë Toretskut, Pokrovskut dhe Kurakhoves”, thekson raporti.

Rruga Press