Rama vazhdon të bëjë avokatin e Serbisë edhe në Kosovë: Nuk hidhet dot në flakë për Perëndimin, 80% mbështesin Putinin

I pranishëm në promovimin e librit me titull “Përplasja e Madhe” të shkruar nga Enver Hoxhaj, kryeministri Rama i doli sërish në mbrojtje Serbisë.

Ai tha se Serbia nuk mund të hidhet në flakë për perëndimin kur ka një popull që 80% mendon se Putinin ka të drejtë.

Sipas tij, Serbia duhet të qëndrojë në një distancë të drejtë me Rusinë që kjo flakë të mos vijë këtu në rajonin tonë.

Rama: Serbia nuk mund të hidhet në flakë për perëndimin kur ka një popull që 80% mendon se Putinin ka të drejtë. Ama Serbia duhet të qëndrojë në një distancë të drejtë që kjo flakë të mos vijë këtu. Ky është thelbi i tradhtisë time për të cilën nuk jam pishman.

Ne kemi vuajtur boll. Kosova ka vuajtur boll nga lufta dhe nuk ka pse shkon në atë drejtim, vetëm nëse e detyrojnë. Përsa kohë ne nuk na detyrojnë, nuk kemi pse i shkojmë asaj rruge fare.

Arsyetimi i kryeministrit Rama na shpie të mendojmë se edhe Putini duhet mirëkuptuar për pushtimin dhe krimet e luftës në Ukrainë, sepse ashtu si populli serb, edhe populli rus, më shumë 80% e tij, është në mbështetje të luftës që ai ka ndërmarrë.

Rruga Press