Qindra emigrantë në kufi, Lituania shpall gjendjen e jashtëzakonshme

Pas krizës së emigrantëve në kufirin me Bjellorusinë, Lituania shpalli gjendjen e jashtëzakonshme. Qindra emigrantë në territorin e Bjellorusisë kanë ngritur kampe në pritje për tu futur në territorin e Lituanisë.

Gjendja e jashtëzakonshme, e cila filloi në mesnatën e së martës do të zgjasë një muaj, duke u lejuar rojeve kufitare të përdorin forcën fizike për  të parandaluar hyrjen e emigrantëve në Lituani.

Vendet anëtare të BE-së kanë akuzuar Bjellorusinë për inkurajimin e emigrantëve të paligjshëm nga Lindja e Mesme, Afganistani dhe Afrika, si hakmarrje për sanksionet kundër Minskut për shkelje të të drejtave të njeriut.

Shpallja e gjendjes së jashtëzakonshme në Lituani ndalon çdo lëvizje brenda pesë kilometrave nga kufiri i Bjellorusisë. Gjithashtu do të pengojë këdo që kërkon të ndihmojë emigrantët, tha kryeministrja Ingrida Simonite.

Rruga Press