Qeveria prezanton logon e 15-vjetorit të Pavarësisë së Kosovës dhe 25-vjetorit të Epopesë së UÇK-së

Qeveria e Kosovës prezantoi të mërkurën logon e 15-vjetorit të Pavarësisë së Kosovës, si dhe logon për 25- vjetorin e Epopesë së Ushtrisë Çlirimtare të Kosovës (UÇK), të cilat kanë motive nga ngjyrat e flamurit kombëtar dhe atij të shtetit të Kosovës.

Prezantimi u bë në një konferencë për media të zëvendëskryeministrit të parë për Integrim Evropian, Zhvillim dhe Dialog, Besnik Bislimi së bashku me ministrin e Kulturës, Rinisë dhe Sportit, Hajrulla Çeku.

Ky i fundit tha se sipas përshkrimit të autorit, logoja për 15-vjetorin e Pavarësisë ka motive nga ngjyrat e flamurit të shtetit të Kosovës dhe atij kombëtar, kurse pjesa tjetër lidhet me ngjyrat shpresëndjellëse dhe optimiste për të tashmen dhe të ardhmen.

Ministri Çeku gjithashtu prezantoi edhe logon tjetër që lidhet me 25-vjetorin e Epopesë së Ushtrisë Çlirimtare të Kosovës (UÇK).

“Kjo logo ka motivet dhe simbolet kombëtare si dhe në qendër tri figurat kryesore të kësaj epopoje”, tha ai.

Rruga Press