Qeveria ndan mbi 7 milionë euro për “paga dhe shtesa” për muajin nëntor

November 29, 2023 User2

Qeveria e Kosovës, në mbledhjen elektronike” të mbajtur të mërkurën, ka ndarë 7 milionë e 54 mijë euro për “paga dhe shtesa” për muajin nëntor.

Në mbledhjen e Qeverisë po ashtu është miratuar për shqyrtim kërkesa për shpronësim për interes publik të pronave të paluajtshme të P.SH IGK “Ballkanit” të dikurshëm, Njësia Damper, për nevoja të Ministrisë së Mbrojtjes dhe FSK-së.

Lexo më shumë “Kosova gjithmonë e pavarur”: Kongresisti amerikan Torres i reagon Zëdhënëses së Trumpit, Wilson, që tha “ta bëjmë Kosovën sërish Serbi”

“Qeveria e Republikës së Kosovës ka zhvilluar mbledhje elektronike në të cilën ka: ndarë 7,054,092.00 € për mbulimin e mungesës së mjeteve në kategorinë e shpenzimeve “Paga dhe Shtesa” për muajin nëntor 2023; ka miratuar për shqyrtimin e mëtejmë të kërkesës për shpronësim për interes publik të pronave të paluajtshme ish-shoqërore, P. Sh IGK “Ballkan”, Njësia Damper, për nevoja të Ministrisë së Mbrojtjes dhe Forcës së Sigurisë së Kosovës”, thuhet në njoftimin e Qeverisë.

Lexo më shumë Shqipërisë në një vit i ikin mbi 40 mijë qytetar, çdo i larguar i arsimuar i kushton vendit rreth 14 mijë euro

Rruga Press