Putinizimi i senatorit konservator, Tommy Tuberville: Putini, Trumpi dhe njerëzit në anën tonë do të vendosin për të ardhmen e Ukrainës

“Putini, Trumpi dhe njerëzit në anën tonë do të vendosin për të ardhmen e Ukrainës.”

Kjo është një deklaratë skandaloze, sado që e pabesueshme, e bërë nga një senator i ShBA-së i Partisë Konservatore, Tommy Tuberville.

Çka po ndodh vetëm në dy javët e fundit në Shtetet e Bashkuara të Amerikës me presidentin Donald Trump, nuk ka mundur të ndodhë në disa dekada aty: një kthesë 180 gradë e linjës politike amerikane.

Tani pas dy javësh, duket se presidentini kriminel i Rusisë, Vladimir Putin është thuajse i rehabilituar dhe flirtimi me të nuk përbën më ndonjë skandal.

Senatori amerikane Tuberville në deklaratën e tij nuk e kishte problem që të thotë se për një shtet sovran si Ukraina dhe për popullin e saj do të vendosin Putini dhe Trumpi, duke përfshirë ndoshta edhe autokratë të tjetë përreth globit.

Ndër të tjera, ky senator nuk e pati problem që emrin e Putinit ta thotë përpara atij të presidentit të tij, Donald Trumpit, a thua se për senatorin Putini tashmë është lideri i gjithë botës (edhe i ShBA-së?!).

Ishte e pritshme që me presidentin Trump do të kishte ndryshime politikash, por ishte e pamendueshme që emri i Putinit të bëhej kaq i normalizuar tek njerëz të rëndësishëm të partisë me aq traditë, krenari e histori sa Partia Konservatore.

Është e dukshme që ka një valë të re të putinizimit në ShBA dhe kjo ka arritur deri edhe në nivelet më të larta të udhëheqjes, përfshirë këtu edhe senatorë.

Në vazhdën e tarifave të Trumpit ndaj aleatëve, paralajmërimeve për dobësim të këtyre alencave dhe riformatit të gjeopolitikës, Bashkimi Evropian është duke iu përgjigjur kësaj situate të rrezikshme duke shpallur planin për riarmatosjen e Evropës, e cila si kurrë më parë duket e bindur se duhet të jetë e aftë të mbrojë Ukrainën dhe vetveten nga kërcënimi i Rusisë së Putinit, ndoshta edhe pa kryealeatin e saj në krah.

Rruga Press