Putini: Nga nesër, gazi paguhet vetëm me rubla

Presidenti i Rusisë, Vladimir Putin, ka njoftuar se ka firmosur dekretin që detyron klientët e huaj që ta blejnë gazin me rubla, duke nisur që nesër.

Reuters ka publikuar se Putini është shprehur se çdo kontratë blerjeje do të pezullohet, nëse gazi nuk paguhet me rubla nga data 1 prill.

Më tej, Putini akuzoi Perëndimin se sanksionet ndaj Rusisë i kishte bërë gati shumë më përpara.

“Sanksionet ndaj nesh kanë qenë të përgatitura dhe lufta ekonomike ndaj Rusisë ka nisur vite më parë. Perëndimi do të përpiqet shumë që të gjejë arsye për sanksione të reja, pasi qëllimi është që të goditet zhvillimi i vendit tonë”, tha Putin.

Rruga Press