Putini do përdorë gjithçka që ka në ofensivën e re – javët në vijim janë vendimtare

Duket se ofensiva e ripërtërirë e Rusisë ndaj Ukrainës ka filluar, me një rritje të ndjeshme të intensitetit të luftimeve në lindje.

Analisti ushtarak, Sean Bell thotë se “nuk ka dyshim që Putini do të përpiqet të hedhë çdo gjë që ka në këtë sulm” dhe se Rusia pritet të bëjë fitore në betejë për shkak të masës së madhe të forcave të saj.

Forcat ruse filluan ofensivën e tyre “shumë herët se sa pritej”, thotë Bell, dhe do të përpiqen të sigurojnë sukses në betejë për Vladimir Putinin.

Sfida për Ukrainën është të shmangë luftën e shkatërrimeve dhe t’i shkaktojë sa më shumë dëme Rusisë. Bell komenton se për shkak të taktikave të Moskës, të ngjashme me ato të Luftës së Parë Botërore, forcat e saj kanë pësuar një ulje shokuese të efektivitetit të luftimeve prej 40%.

Në qytetin Vuhledar të Donetskut, forcat elitare të marinës ruse u goditën rëndë dhe pësuan shumë dëmtime – duke u detyruar të largohen me disfatë. Rusia ka humbur gjithashtu një pjesë të armatimit të saj, me dy të treta të tankave të luftës të saj që janë shkatërruar ose nuk janë në dispozicion, thotë Bell.

Për sa i takon kundërsulmit ukrainas, ai dyshon se kjo do të ndodhë më vonë gjatë pranverës, pasi Ukraina të ketë marrë më shumë armë perëndimore. “Çfarëdo që të ndodhë, javët në vijim do të jenë vendimtare,” thotë ai.

Rruga Press