Puset e naftës rrezik për qytetarët e 11 janarit, banorët: Nafta na ka dëmtuar të mbjellat

Rreth 200 familje në lagjen 11 Janari në Kucovë bëjnë apel për marrjen e masave për puset e naftës që kanë dalë jashtë funksionit. Ata shprehen se jeta e fëmijëve dhe e tyre është në rrezik, pasi puset rrjedhin naftë, e cila gjithashtu dëmton të mbjellat e tyre.

Banorët theksojnë se janë ankuar por asnjë institucion nuk ka marrë masa për problemin që i shqetëson prej kohësh.

Puset e naftës janë kthyer në rrezik serioz për banorët e lagjes 11 Janari në Kucove. Janë më shumë se 200 familje që kanë ndërtuar shtëpitë e tyre pas viteve ’90 në zonën prodhuese të naftës dhe gati çdo familje ka nga një pus në oborrin e saj ose shumë pranë shtëpisë.

Ata shprehen se nuk është marrë asnjë masë dhe gjatë viteve ka pasur  edhe aksidente me fëmijët që kanë rrezikuar jeten Banorët shprehen se rrjedhja e naftës ka dëmtuar të mbjellat e tyre. Banoret bëjnë apel që të merren masa konkrete për të dalë nga kjo situate që ndodhen prej vitesh

Në zonën naftënxjerrëse të qytetit të Kuçovës ka 1623 puse, nga të cilat 950 janë në gjendje pune.

Rruga Press