Publiku shqiptar tashmë e di se në Samitin e Bled-it kishte vetëm një kryeministër shqiptar

Nga Bekim Qoku

Mediat e mëdha në gjuhën maqedonase nuk kanë pasqyruar vetëm paraqitjen e kryemiistrit të Kosovës Albin Kurti në Forumin e Bledit, nderkohë që, krahas asaj të Kovaçevskit, i gjen shpesh dhe kudo sidmos paraqitjet e Brnabiqit dhe Ramës.

Për t’u theksuar është afiniteti i znj. Brnabiq për z. Rama, kur në fjalën e saj ajo iu referua një fraze të tij. Sepse referencat nëpër forume të tilla janë mirë të paramenduara.

Nga ana tjetër, zotit Rama nuk i bëri fare përshtypje qëndrimi armiqësor i kryeministres serbe ndaj shtetësisë së Kosovës, a thua ai s’ka asnjë lidhje me Kosovën. Ai vazhdoi me batutat e tij të zakonshme si me qenë në stand up comedy e jo si me u bisedua për fatin e miliona fateve njerëzore.

Për të vënë patjetër në pah është edhe pjekuria e opinionit publik shqiptar kësaj radhe, ngaqë nuk shprehën asnjë egzaltim për faktin se në këtë forum kishte tre kryeministra shqitarë. Publiku shqiptar e ka tashmë të qartë se aty kishte vetëm një km shqiptar, një Albin Kurti.

Rruga Press