Publikohen pamjet që supozohet se tregojnë momentin kur Ukraina shkatërron ‘varkën e paradës së Putinit, e përdorur për të inspektuar flotat detare’

May 10, 2022 user 1

Ukraina po pretendon se ka shkatërruar ‘varkën e paradës’ speciale të Vladimir Putinit, të cilën ai e përdor për të inspektuar flotën e tij detare.

Sipas mediave të huaja, pamjet dramatike tregojnë një anije patrullimi me ngjyrë të bardhë të klasës Raptor duke “u zhdukur” nga një bombë e drejtuar e hedhur nga një dron Bayraktar TB2 i drejtuar nga Ukraina në Detin e Zi.

Lexo më shumë Rubla ruse arrin nivelin më të ulët në 32 muaj kundrejt dollarit

Dhe siç supozohet, udhëheqësi rus ka përdorur një varkë të tillë me emërtimin 001 për inspektimet e flotës në Sevastopol dhe Shën Petersburg.

Ai gjithashtu përdor varkën patrulluese për të mbajtur fjalime dhe për të kryer parada ushtarake.

Kanali “Ukraina Tani” në Telegram raportoi: “Ne morëm informacione se një nga varkat e shkatërruara të tipit Raptor në zonën e Ishullit të Gjarpërinjve ishte varka e paradës së Putinit”.

Lexo më shumë Pas fitorës së raundit të parë të zgjedhjeve nga kandidati anti-Nato, Presidenti i Rumanisë mbledh Këshillin e Lartë të Mbrojtjes për cënimet e sigurisë nga Tiktok-u

Një raport tjetër ukrainas tha: “Midis anijeve të saj motra, anija dallohet nga ngjyra e bardhë”.