Publikohen 114 zbulime të reja mbi UFO-t, shkencëtarët: Mos u mundoni të komunikoni me ta

Shkencëtari amerikan Mikio Kaku kanë paralajmëruar se edhe nëse ka ende alienë, është më mirë t’i lini ata të qetë. 

“Përpjekja e njeriut për të gjetur vendndodhjen dhe shumë më tepër për të komunikuar me qytetërimet e përparuara jashtëtokësore është një ide jashtëzakonisht e keqe,”-tha ai.

 Edhe pse këtë pikëpamje po e shprehin gjithnjë e më shumë fizikantë dhe ekspertë, çështja e UFO-ve është ngritur në sferën publike. Për herë të parë, Pentagoni ka thyer heshtjen e tij mbi njohuritë e tij të mëparshme për jetën jashtëtokësore në një seancë publike të Kongresit. 

Ky është diskutimi i parë zyrtar i tillë  që nga vitet 1960, i cili përfshin të gjithë informacionin që është mbledhur gjatë dekadave. Ai zbuloi se pilotët e marinës amerikane kishin raportuar 144 zbulime të reja mbi UFO-t nga viti 2004 deri në vitin 2021.

Një nga thashethemet që herë pas here është qarkulluar gjerësisht dhe është pritur me padurim të përfshihet si pjesë e diskutimit është ai i laboratorëve sekretë me alienët dhe anijet kozmike. Edhe vetë ish-presidenti i SHBA-së, Barack Obama, pas mandatit të tij, ka rrëfyer se mendonte se laboratorë ekzistonin. 

“Sapo mora presidencën, mendova nëse kishte ndonjë laborator të fshehur diku me alienë dhe anije kozmike. Pastaj ne bëmë disa kërkime dhe zbuluam se ato nuk ekzistojnë”-tha ai.

Kongresmeni Mike Gallagher tha se nuk kishte prova që një vendndodhje sekrete e zyrtarëve qeveritarë fshihte alienë të kapur, anije kozmike dhe gjetje të tjera misterioze. Në vitin 1977 astronomët nga Ohio regjistruan një sinjal unik nga hapësira.

Ishte aq i fuqishëm sa një nga astronomët shkroi pasthirrmën “wow!” në sinjalin e printuar. Pas shumë vitesh përpjekjesh, askush nuk ishte në gjendje të gjente burimin e sinjalit, apo të shpjegonte sinjalin e fuqishëm dhe unik, i cili zgjati 72 sekonda. 

Rruga Press