Provokon Putin: Ne mund të furnizojmë me armë për të sulmuar vendet e NATO-s

June 6, 2024 User2

“Ne mund të furnizojmë me raketa që godasin vendet e NATO-s në përgjigje të sulmeve me armë perëndimore kundër Rusisë. Dorëzimi i armëve perëndimore në Ukrainë është një hap shumë i rrezikshëm”.

Kështu tha presidenti rus, Vladimir Putin në një intervistë për ANSA dhe disa nga agjencitë kryesore ndërkombëtare.

Lexo më shumë Papa thotë se plani i Trumpit për të dëbuar emigrantët është “turp”

Ai nënvizoi se megjithatë se është “çmenduri” të mendosh se Moska dëshiron të sulmojë NATO-n: “Kush e shpiku këtë? Është një marrëzi, marrëzi!”.

Më pas ai saktësoi se në Itali nuk ka rusofobi. “Ne shohim që pozicioni i Italisë (ndaj Rusisë) është më i përmbajtur se vendet e tjera evropiane dhe këtë e kemi parasysh”.

Mes të tjerash Putin paralajmëroi se nuk ka asnjë dezinformim rus për zgjedhjet amerikane dhe se Moska nuk i jep rëndësi se kush do të fitojë zgjedhjet në SHBA. Po ashtu Putin ngriti sërish në fokus fuqinë e shtetit të tij për armë bërthamore. “Të gjitha mjetet për të mbrojtur integritetin tonë”, theksoi ai.

Lexo më shumë Raporti amerikan: Rusia humbi më tepër këmbësori në përpjekje për të pushtuar Ukrainën

Rruga Press